ރިސޯޓެއްގެ ގޮތުގައި ތަރައްޤީކުރަން ހަވާލުކޮށްފައިވާ ވ. ބޮޑުމޮހޮރާގައި ބަނގުރާ ގެންގުޅުނު ބަޔަކު ހައްޔަރު ކޮށްފިއެވެ.

ފުލުހުން ބުނެފައިވަނީ ވ. ބޮޑުމޮހޮރާގައި ބަނގުރާ ގެންގުޅޭކަމަށް ލިބުނު މައުލޫމާތަކާ ގުޅިގެން ޑްރަގް އެންފޯސްމަންޓާއި ފުލުހުންގެ އިންޓެލިޖެންސް އަދި ވ. އަތޮޅުގެ ފުލުހުން ގުޅިގެން މިއަދު އޮޕަރޭޝަނެއް ހިންގާފައިވާ ކަމަށެވެ.

މި އޮޕަރޭޝަންގައި 3 މީހަކު ހައްޔަރުކޮށްފައިވާ ކަމަށް ފުލުހުން ބުނެފައިވެއެވެ. ފުލުހުން ބުނެފައިވަނީ މި މައްސަލައިގައި އެރަށް ބަލާފާސްކުރިއިރު 24 ފުޅި ބަނގުރާ ފެނިފައިވާ ކަމަށެވެ.

Advertisement

މިމައްސަލައިގައި ހައްޔަރު ކޮށްފައިވަނީ ކ. މާލެ އަހުމަދު އަޝްރަފް، ގދ. ތިނަދޫ އަމްޖަދު މުހައްމަދު އަދި ސްރީލަންކާގެ ރައްޔިތެއްކަމަށްވާ ނަލިން އިންޑިކާ ކޮޑިކާރައެވެ.

މި މައްސަލަ ތަހުގީގު ކުރަމުންދާ ކަމަށް ފުލުހުން ބުނެފައިވެއެވެ.

ރައްޔިތުންގެ މަޖިލީހުގެ ކުރީގެ މެންބަރު ޖާބިރުގެ ހިއްސާ އޮންނަ ކުންފުންޏަކަށް ސަރުކާރުން ބޮޑުމޮހޮރާ ހަވާލު ކޮށްފައިވަނީ 2020 ވަނަ އަހަރުއެވެ.