ރާއްޖޭގެ ބޮޑުބަޔަކަށް ކުރަމުންދާ ވިއްސާރައިގައި، ފުވައްމުލަކު ސިޓީގެ 15 ގެއަކަށް ފެންވަދެ ގެއްލުންތަކެއް ލިބިއްޖެއެވެ.

ހުކުރު ދުވަހު ހެނދުނުން ފެށިގެން ފުވައްމުލަކަށް ކުރަމުންދާ ވިއްސާރައިގައި، އެ ސިޓީގެ ބައެއް އަވަށްތަކުގައި ވަރަށް ބޮޑަށް ފެންބޮޑުވެ، ބައެއް ގޭގެއަށް ވަނީ ގެއްލުންވެފައެވެ.

އެގޮތުން ޖުމްލަ 15 ގެޔަކަށް ފެންވަދެ، ފެން ހިއްކުމުގެ މަސައްކަތް ސިފައިންނާ ގުޅިގެން އެސިޓީގެ ކައުންސިލުން ދަނީ ކުރަމުންނެވެ.

Advertisement

އެކަމާ ގުޅިގެން ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ އިން ބުނީ ފެންބޮޑުވީ ބައެއް ގެތަކުގައި ނަމަވެސް ޖުމްލަކޮށް ލިބުނު ގެއްލުން ވަޒަން ކުރުމުގެ މަސައްކަތް ކުރަމުންދާ ކަމަށާއި، ފެންބޮޑުވެ އެއްވެސް ގެއަކުން މީހުން ހުސްކުރަން ޖެހުނު ފަދަ ހާލަތެއް މެދުވެރިވެފައިނުވާ ކަމަށެވެ.