މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ) ގެ ރައީސް އަދި ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަހުމަދު ސިޔާމް މުޙައްމަދުގެ ބައްޕާފުޅު އަވަހާރަވެއްޖެއެވެ.

މައުލޫމާތު ލިބިފައިވާ ގޮތުގައި ނ. ކުޑަފަރީ، މުޙައްމަދު ޤާސިމް އަވަހާރަވީ ރޭ ފަތިހުގެ ވަގުތެއްގައެވެ.

އަވަހާރަވިއިރު އުމުރުފުޅަކީ 80 އަހަރެވެ.

Advertisement

ޤާސިމް އަވަހާރަވީ އާލާސްކަންފުޅާ އުޅުއްވަނިކޮށް، އޭޑީކޭ ހޮސްޕިޓަލުގައި އެޑްމިޓްކޮށްގެން ފަރުވާދެމުންދެނިކޮށެވެ.

ޤާސިމްއަކީ ކުޑަފަރިއަށް ގިނަ ޚިދުމަތްތަކެއް ކުރައްވާފައިވާ ބޭފުޅެކެވެ. އެގޮތުން އެ ރަށުގެ ކަތީބުކަމާއި ސްކޫލުގެ ނާޒިރުކަންވެސް ޤާސިމް ވަނީ ކުރައްވާފައެވެ.