މާލެ ސަރަހައްދަށް ކުރަމުންދާ ވިއްސާރަގައިގައި ގަހެއް ވެއްޓި، ޕީއެސްއެމް ކައިރީގައި ޕާކު ކޮށްފައި އޮތް ކާރަކަށް ގެއްލުން ވެއްޖެއެވެ.

އެ ކާރަށް ލިބިފައި ވަނީ ކޮން ކަހަލަ ގެއްލުންތަކެއްކަން ސާފެއް ނުވެއެވެ.

މާލެ ސިޓީ ކައުންސިލުން ބުނީ މޫސުން ގޯސްވެ، ވައިގަދަވުމާއި ގުޅިގެން ރެހެންދި ހިނގުން (ޓީވީއެމް ކައިރި)އަށް ވެއްޓުނު ގަސް ނެގުމުގެ މަސައްކަތް ކުރިއަށްދާ ކަމަށެވެ.

Advertisement

އޭގެ އިތުރުން މި ވިއްސާރައިގައި ގެތަކަށް ފެން ވަންނަމުންދާތީ، އެމްއެންޑީއެފްއާ ގުޅިގެން ގެތަކުގައި ވެލި ބަސްތާ ޖެހުމުގެ މަސައްކަތް ކުރިއަށްދާ ކަަމަށްވެސް މާލެ ސިޓީ ކައުންސިލުން ބުނެފައި ވެއެވެ.

ރާއްޖެއަށް މިހާރު ކުރަމުންދާ ވިއްސާރައަކީ ރާއްޖޭގެ އިރުމަތީގައި އުފެދިފައިވާ ކޮޅިގަނޑު ރާއްޖެ ހުރަސްކޮށް އަރަބިކަނޑަށް ޖެހެމުންދާތީ ކުރަމުންދާ ވިއްސާރައެކެވެ. އެހެންކަމުން ރާއްޖޭގެ އެކިހިސާބަށް ވިއްސާރަކޮށް، ވައިގަދަވެ، ކަނޑުތައް ގަދަވާނެކަމަށް ލަފާކުރެވޭ ކަމަށް މެޓުން ވަނީ ވިދާޅުވެފައެވެ.