މި އަހަރުގެ އެންމެ ހޫނުގަދަ ދުވަސް ކޮޅުގައި މެދުނުކެނޑި ރައްޔިތުންނަށް ކަރަންޓު ލިބޭނެ މަގުފަހިކުރުމަށްޓަކައި އިތުރު ދެ ޖެނެރޭޓަރު ސެޓު ސެޓްލްކޯއިން ގެނެސްފި އެވެ.

އެ ކުންފުނިން ބުނީ، މި އަހަރުގެ ޕީކް ސީޒަނަށް ތައްޔާރުވުމަށްޓަކައި، ގެނައުމަށް ހަމަޖެހިފައިވާ ޖެނަރޭޓަރު ސެޓްތަކުގެ ތެރެއިން 1.6 މެގަވޮޓްގެ ދެ ހައިސްޕީޑް ކޮންޓެއިނާ ޖަނަރޭޓަރު ސެޓު އިއްޔެ ރާއްޖެ ގެނެސް ބެހެއްޓުމުގެ މަސައްކަތް ފަށާފައިވާ ކަމަށެވެ.

އަދި ޕީކް ސީޒަންގެ ކުރިން އޭގެ އިތުރު 2 ޖެނަރޭޓަރު ސެޓު ގެނެސް، ޖުމްލަ 6.4 މެގަވޮޓްގެ ޕަވާ ޖަނަރޭޝަން ކެޕޭސިޓީއަށް އިތުރުކުރެވިގެންދާނެ ކަމަށް ސްޓެލްކޯއިން ބުންޏެވެ.

Advertisement

އެއާއެކު، ހޫނު ގަދަ ދުވަސްވަރު ވެސް 24 ގަޑިއިރު މެދުނުކެނޑި ރައްޔިތުންނަށް ކަރަންޓުގެ ހިދުމަތް ފޯރުކޮށްދެވޭނެ ކަމަށާއި، މާލެ ސަރަހައްދުގެ ޕަވާ ސެކިއުރިޓީ އިތުރުކުރެވިގެންދާނެ ކަމަށް އެ ކުންފުނިން ބުނެ އެވެ.

އެކަމާ ގުޅޭގޮތުން ސްޓެލްކޯގެ އެމްޑީ ހުސައިން ފަހުމީ އެކްސްގައި ކުރެއްވި ޕޯސްޓެއްގައި ވިދާޅުވީ، އެ ކުންފުނި އަބަދުވެސް ދެމި އޮންނާނީ ރައްޔިތުންނަށް ފުރިހަމަ ހިދުމަތެއް ފޯރުކޮށްދިނުމުގައި ކަމަށެވެ.