ހައުސިން ޑިވެލޮޕްމެންޓް ކޯޕަރޭޝަން، އެޗްޑީސީގެ ނަމާއި ލޯގޯ އަލުން ބޭނުންކުރަން ފަށައިފިއެވެ.

މިދިޔަ އަހަރުގެ އޭޕްރިލް މަހު އެ ކުންފުނި "އަރބަންކޯ"އަށް ރީބްރޭންޑްކުރި ނަމަވެސް، އެނަމުގައި ޤާނޫނީ ޙައިސިއްޔަތު ހޯދަން މަސައްކަތްކޮށްފައެއް ނުވެއެވެ.

އެޗްޑީސީގެ ނަމާއި ލޯގޯ އަލުން ބޭނުންކުރަން ފެށުން ފާހަގަކުރުމަށް، އެކުންފުނިން ވަނީ ޚާއްސަ ރަސްމިއްޔާތެއްވެސް ބާއްވާފައެވެ. އަދި ކުންފުނީގެ މައި ނަން ބޯޑު "އަރބަންކޯ"އިން "އެޗްޑީސީ"ގެ ނަމަށް ވަނީ ބަދަލުކޮށްފައެވެ.

Advertisement

މިރަސްމިއްޔާތުގައި ވާހަކަދައްވަމުން ކުންފުނީގެ މެނޭޖިން ޑިރެކްޓަރ ފަޒުލް ރަޝީދު ވިދާޅުވީ މިގޮތަށް ބަދަލުކުރަން ނިންމީ، އެޗްޑީސީގެ ގޮތުގައި ރައްޔިތުންނަށް ޚިދުމަތް ދިނުމަށްކަމަށެވެ. އެޗްޑީސީގެ ޢަމާޒަކީ ރައްޔިތުންނަށް ދޭ ޚިދުމަތްތައް ފުޅާކޮށް، ފަސޭހައިން ލިބޭނެ އިންތިޒާމްތައް ހަމަޖެއްސުންކަމަށްވެސް ފަޒުލް ވިދާޅުވިއެވެ.  

"ހައުސިންގ ޑިވެލޮޕްމަންޓު ކޯޕަރޭޝަން"،އަކީ ކުންފުނީގެ ޤާނޫނީ ނަމެވެ. ކޯޕަރޭޝަނުގެ ނަން އަރބަންކޯއަށް ރީބްރޭންޑްކޮށްފައި ވީނަމަވެސް އެނަމަށް ގާނޫނީ ހައިސިއްޔަތު ލިބިފައި ނުވާ ކަމަށް އެކޯޕަރޭޝަނުން ބުނެއެވެ.